Ипотека әлі күнге дейін көптеген мифтермен қоршалған, бұл адамдарды шатастырып, өз баспасын сатып алу кезінде дұрыс шешім қабылдауға кедергі жасайды. Кейбір қателіктер ескірген ақпараттан туындайды, ал кейбірі расталмаған әңгімелер немесе бағдарламалардың нақты шарттарын толық түсінбеуден пайда болады. Біз бұл тақырыпты адал, қарапайым және түсінікті түрде талдап шықтық, несие иллюзиясыз және артық қорқынышсыз болсын деп, Астанадағы пәтерді ипотекаға рәсімдеу жолдарын түсіндірдік.
1 миф: табысты растаусыз ипотека рәсімдеу мүмкін емес
Көпшілік банк әрдайым табыс туралы толық құжаттар пакетін талап етеді деп ойлайды. Алайда іс жүзінде бұл әрқашан міндетті емес. Мысалы, егер клиенттің бастапқы жарнасы 40 пайыздан және одан жоғары болса, ипотеканы табысты растаусыз рәсімдеуге болады. Бұл талаптар банк ережелерінде ресми түрде қарастырылған және бүгінде тәжірибеде қолданылып келеді.
2 миф: Отбасы банкінде ақшаны міндетті түрде үш жыл жинау қажет
Бұл кең таралған, бірақ ескірген түсінік. Үш жылдық жинақ мерзімі Отбасы банкінің барлық бағдарламалары үшін міндетті талап емес. Мысалы, танымал 50/50 ипотекалық бағдарламасы бойынша жарналарды тұрақты түрде толықтырып отырсаңыз, бар болғаны алты ай жинау жеткілікті. Осылайша, ипотекаға пәтерді көпшіліктің ойлағанынан әлдеқайда ертерек рәсімдеуге болады. Мұнда ең бастысы – үш жылдық мерзім емес, жинақтың тұрақтылығы мен қаржылық тәртіп.
3 миф: ерлі-зайыптылар 7-20-25 бағдарламасы бойынша екі пәтер рәсімдей алады
Әрбір жұбай осы жеңілдеділген ипотекалық бағдарламаға жеке-жеке қатыса алады деген пікір жиі кездеседі. Алайда іс жүзінде басқаша: 7-20-25 бағдарламасы бойынша бір отбасы тек бір рет қана тұрғын үй сатып ала алады. Егер пәтер ерлі-зайыптылардың бірінің атына 7-20-25 бағдарламасы арқылы рәсімделген болса, екіншісі бұрын ешбір мемлекеттік бағдарламаға қатыспаған жағдайда да бұл шарттарды қайта пайдалана алмайды. Бұл бекітілген ережелер және барлығына бірдей қолданылады.
4 миф: бағалау компаниялары тұрғын үйдің құнын әрдайым төмендетіп көрсетеді
Сатып алушылар несие сомасының азаюын көбіне пәтердің бағасы төмен бағалануымен байланыстырады. Алайда шын мәнінде бағалау компаниялары тәуелсіз, аккредитациядан өткен және Астанадағы жаңа тұрғын үйлерді бағалау кезінде нақты нарықтық бағаларға сүйенеді. Егер банк бағалау есебінде көрсетілген сомадан төмен несие бекітсе, бұл көбінесе банктің ішкі лимиттеріне байланысты болады, атап айтқанда:
· тұрғын үй құны мен қарыз алушы табысының арақатынасына;
· рұқсат етілген қарыз жүктемесіне;
· нақты банктің кредиттік шектеулеріне.
Ипотека ойлағандай күрделі мәселе емес. Ең бастысы - нақты деректерге сүйену.
Бюджетіңізге сай тиімді бағдарламаны таңдап, сенімді құрылыс компаниясына
жүгінсеңіз, өз баспанаңызға апарар жол қауіпсіз және жылдам болады. Sat-NS компаниясына жүгініңіз - мұнда дайын жаңа тұрғын үйлерден 1-бөлмелі, 2-бөлмелі, 3-бөлмелі және 4-бөлмелі пәтерлердің кең таңдауы, тексерілген ипотекалық өнімдер және мәміле рәсімдеудің барлық кезеңінде кәсіби қолдау ұсынылады.